Pas përdhunimit, tritol banesës/ E mitura në Krujë tregon abuzimin. Familja kërkon mbrojtje nga shteti

Një 17 vjeçare në Fushë Krujë, është ngacmuar dhe shfrytëzuar seksualisht për muaj me radhë nga disa persona, për shkak edhe të varësisë që ajo krijoi nga droga. Që kur ishte 14 vjeçe, e mitura filloi të pinte hashash, për të kaluar në përdorimin e kokainës vitin që shkoi. Po në vitin 2019, familja e saj bën një denoncim në polici, dhe këtë vit prokuroria vendos të rihapë dosjen dhe në pranga vihen katër persona dhe dy shpallen në kërkim, për shfrytëzimin seksual të 17 vjeçares. Por mbrëmjen e së dielës, në oborrin e shtëpisë së 17 vjeçares u vendos një sasi tritoli. Mamaja e së miturës tregon për Top Channel se ishte ajo që konstatoi lëndën plasëse.