Kryetari në detyrë i bashkisë së Himarës, Jorgo Goro u arrestua të shtunën me urdhër të SPAK. Ai akuzohet për “Shpërdorim detyre” pasi dyshohet se gjatë kohës që ka qenë në krye të Bashkisë ka dhënë një lejë për ndërtimin e një objekti në shkelje me ligjin. Përveç tij, gjykata antikorrupsion la në arrest me burg dhe pronarin e tokës. Hetimet ndaj kryebashkiakut Goro nisën pas një kallëzimi të depozituar nga paraburgimi nga rivalit të tij Fredi Beleri, i cili e mposhti në zgjedhjet e 14 majit të vitit të kaluar. Hetimi i SPAK ngriti pikëpyetje për veprimtarinë e Goros dhe të dyshuar të tjerë qe vlerësohen se u implikuan në falsifikim dokumentash në shkelje të ligjit. Gazetar: Kristo Kote