Mesazhi i ditës së Pashkës ishte dalja e fundit publike e Papa Françeskut, i cili mbylli sytë në moshën 88-vjeçare. Argjentinasi Jorge Mario Bergolio ishte i pari latino amerikan që u zgjodh Papë i Kishës Katolike Romake. Aiu zgjodh në krye të selisë së shenjtë më 13 mars 2013, duke befasuar shumë pjesëtarëve të botës Katolike, të cilët e kishin parë klerikun argjentinas të njohur për angazhimin e tij në mbështetje të të varfërve, si një të jashtëm. Vetëm një vit pas zgjedhjes së tij si Papë, Françesku zgjodhi Shqipërinë si vendin e parë ku nisi udhëtimin e tij nëpër Europë, më 21 shtator 2014. Papa u prit nga 300 mijë qytetarë e besimtar pa dallim feje e kombësie. Papa Françesku zgjodhi Shqipërinë si simbol të një vendi që ka kaluar periudhë të errët diktature dhe që sot përfaqëson një model unik të bashkëjetesës fetare midis katolikëve, ortodoksëve dhe myslimanëve. Në fjalimet e tij, Papa vlerësoi qëndrueshmërinë e shqiptarëve në përballimin e persekutimeve dhe e cilësoi Shqipërinë si “komb i shqiponjave” dhe “tokë martirësh”. Gjatë meshës së mbajtur në sheshin “Nënë Tereza”, ai predikoi paqe, shpresë dhe dialog ndërfetar. Me këtë vizitë, Papa Françesku la një gjurmë të thellë në zemrat e shqiptarëve dhe dha një mesazh të fuqishëm për mbarë botën: të marrin shembull nga harmonia dhe forca shpirtërore e Shqipërisë.