“Jo vetëm individët por edhe bizneset kanë pësuar një goditje të fortë për shkak të pandemisë Covid-19, pasi aftësia paguese e huasë është përkeqësuar ndjeshëm në gjashtëmujorin e këtij viti”. Sipas raportit të fundit të Bankës së Shqipërisë për familjet huamarrëse ky tregues ka shënuar një rënie me rreth 37.5% gjatë periudhës Janar-Qershor, niveli më i lartë i shënuar që prej vitit 2011. Por, situata paraqitet pesimiste edhe për pjesën e mbetur të vitit, pasi nga vrojtimi rezulton se pjesa më e madhe e të anketuara deklarojnë se mund të hasin vështirësi në shlyerjen e huasë, çka reflekton edhe përkeqësimin e ekonomisë në vend. Ndërkaq, situata e krijuar nga pandemia ka ndikuar dukshëm edhe në vendimmarrjen lidhur investimet apo zgjerimin e aktivitetit të ndërmarrjeve. Kundrejt 6 mujorit paraardhës, pesha e atyre që kanë marrë hua për këto qëllime ka pësuar rënie të ndjeshme. Gjendja e financiare e bizneseve në vend rezulton e prekur rëndë si në drejtim të shitjeve ashtu dhe fitimeve, si pasojë e mbylljes së ekonomisë si dhe rënie së konsumit në vend.