Mjekët e familjes po trajtojnë një numër të lartë pacientësh me covid por ata nuk kanë asnjë protokoll zyrtar ku të bazohen. Janë trajnuar dhe u është dhënë udhëzues që në prill të këtij viti ndërkohë që informacionet dhe medikamentet ndaj covid kanë ndryshuar dhe mjekët duhen përditësuar. Profesor Arjan Harxhi thotë se vihet re përdorim me shumicë antibiotikësh kur nuk duhet. Sipas Harxhit protokollet duhen rifreskuar dhe përshtatur sipas individëve madje shembull i mirë për ekspertët duhet të shërbejë trajtimi që po i bëhet presidentit Trump. Me uljen e temperaturave ku pritet numër më i lartë të infektuarish prof Harxhi ka një mesazh.