Një familje në fshatin Perondi të Kuçovës denoncon në Fiks Fare se komshiu i tyre mban një tufë prej 30 delesh ngjitur me banesën, duke u shkaktuar shqetësime të vazhdueshme për shkak të erës dhe mizave, sidomos gjatë verës. Banorët thonë se nuk mund të hapin dritaret dhe kërkojnë ndërhyrjen e institucioneve. Nga ana tjetër, pronari i bagëtive pretendon se delet qëndrojnë aty vetëm për pak orë në ditë dhe se ndodhen brenda pronës së tij. Pas verifikimeve në terren, Bashkia Kuçovë deklaron se nuk ka konstatuar ndotje apo shkelje ligjore. Madje, drejtori i Zhvillimit Rural shprehet se “delja nuk krijon erëra”, duke shkaktuar reagime dhe debat mes palëve.