Sipas raportimeve në mediat botërore, miliona europianë kalojnë pesë ditë të javës pa përqafuar askënd. “Epidemia e vetmisë”, të cilën po e përjeton mbarë bota, ka bërë që njëfarë industrie të lindë në Europë dhe SHBA, e të lulëzojnë workshop-e, konferenca e nismat, si #freehugs. Kjo e fundit, po organizohet së fundmi edhe në Tiranë, ku një grup vajzash dalin në rrugë e u ofrojnë të panjohurve përqafime, për të treguar që dashuria njerëzore nuk ka humbur e nuk duhet të humbasë.