Njësia Administrative e Dajçit është padyshim zona më e dëmtuar nga përmbytjet në Shkodër. Ne lagjen Zadrimë të Dajçit në Shkodër niveli i ujit ka arritur mbi 1 metër. Banorët thonë se ne disa shtëpi uji ka hyrë brenda. Siç mund të shihet edhe në pamjet e siguruara nga Top Channel banorët kalojnë në rrugët e kësaj lagjeje, ku uji arrin deri në brez! Në njësitë administrative të Dajçit dhe Anës së Malit prej më shumë se 1 muaji ka përmbytje. Qindra shtëpi janë të izoluara, teksa niveli i ujit është rritur në 24 orët e fundit. Situata e përmbytjeve në Nj.A.Dajç Hidrometri shënon 6.98 cm , me një rritje prej 11 cm në hidrometrin e Dajçit, 25 cm në vendin e quajtur Urrela të Shirqit në krahasim me 1 ditë më parë. – 1800 ha tokë bujqësore e përmbytur (fshatrat Darragjat, Shirq, Mushan, Suka-Dajç, Belaj, Rrushkull, Samrish i Ri, Pentar-zona fushore). -Rrugë të bllokuara Darragjat, Shirq, vendi i quajtur Urrelat e Shirqit lartësie e ujit arrin 150 cm në rrugë. -Shtëpi të përmbytura 6 – Prezencë uji në oborre 121 shtëpi, Shirq 70, Mushan 10, Darragjat 11, Belaj 9, Rrushkull 12, Suka 9. -Është bërë e pamundur lëvizja me vetura në lagjien Mazija- Suka Dajç. -Është e pakalueshme rruga kryesore e Darragjatit dhe vetëm me mjete të tonazhit të lartë mund të lëvizet. -Kërkohet ndërhyrje emergjente nga Bordi Rajonal Lezhë për të bërë të mundur mbylljen fundore të argjinatures së Darragjatit pasi uji vërshon në zonën e banuar. -Kërkohet që të lihet në dispozicion një mjet ushtrie për komunikimin e banorëve me rrugën kryesore. – Makina e Ushtrisë në gatishmëri ora 07:45- 16:00 tek Dispeçeri Mushan. -SPZ e zonës në gatishmëri . -Qendrat shendetësore në gatishmëri – Energji elektrike kemi në gjithë zonën, por me shkëputje. -Në disa toka bujqësore lartësia e ujit arrin 2m. -Nevoja për bazë ushqimore për gjënë e gjallë mbetet parësore.