Si mbijetohet me një pension që nuk mjafton as për nevojat më bazike? Fiks Fare sjell dy histori prekëse të pensionistëve në Shqipëri, të cilët çdo muaj përballen me të njëjtin realitet të vështirë. Të zgjedhin mes faturave, ilaçeve dhe ushqimit. Me çmime në rritje dhe të ardhura minimale, shumë prej tyre detyrohen të hyjnë në borxhe vetëm për të siguruar bukën e përditshme. Do të ndiqni nga afër jetën e përditshme të dy pensionisteve në Tiranë, të cilat tregojnë se si pensioni mbaron para se të mbarojë muaji. Një rrëfim i fortë që pasqyron sfidat reale të mijëra të moshuarve në vend.