Shqiptarët shpenzuan 36 milionë euro për këpucë dhe rroba të përdorura gjatë vitit 2018. Të dhënat e INSTAT tregojnë për një rritje të ndjeshme të importit të rrobave të përdorura që prej vitit 2012. Rrobat e përdorura, apo siç njihen ndryshe "second hand", kanë gjetur së fundmi jo vetëm më tepër klientë, por edhe tregje më të sofistikuara. Tregu ku kemi shkuar sot nuk është i zakonshëm; është i pari treg publik i rrobave të përdorura dhe gjendet në Shkozë. 103 familje nga komuniteti rom dhe egjiptian, që kur ky treg u hap në kryeqytet, nuk dalin më në rrugë për të tregtuar rroba.