Policia dërgoi në pranga 14 persona, mes tyre mjekë dhe ish mjekë të institutit të Higjienës, Inspektorati Shtetëror Shëndetësor dhe poliklinikave shëndetësore në Tiranë. Pas 4 muaj hetime të drejtuara nga Prokurorisë e Posaçme Kundër Korrupsionit dhe Krimit të Organizuar, u zbulua që këta shtetas, janë përfshirë në korrupsion, pasi në këmbim të mosndëshkimit më gjoba të subjekteve që janë konstatuar me shkelje të kushteve higjieno-sanitare, kanë marrë shuma parash nga 5000 deri në 10 mijë lekë të reja. Të arrestuarit po ashtu, u siguronin libreza shëndetësore të cilat ishin fiktive, shtetasve që nuk i ishin nënshtruar vizitave mjekësore, duke përfituar 2 mijë lek të reja për çdo librezë.