Ndryshime në qeveri/ Olta Xhaçka ministrja e re e Jashtme, Niko Peleshi ministër i Mbrojtjes
29/12/2020 15:14

Ndryshime në kabinetin qeveritar kanë ndodhur ditën e sotme, ku Olta Xhaçka do të jetë ministrja e re e Punëve të Jashtme, ndërsa Niko Peleshi ministër i Mbrojtjes. Lajmi është bërë i ditur nga kryeministri i vendit, Edi Rama përmes një postimi në Twitter.Ai ka falenderuar Gent Cakajn për punën gjatë kryesimit të OSBE-së, ndërsa vendosi të rikthejë Peleshin në qeveri. “Pas një periudhe intensive pune në kryesimin e OSBE si edhe punës së madhe me përkushtim e profesionalizëm të Gent Cakajt si ministër në detyrë, ky është momenti për t’ia kaluar bashkarisht stafetën Olta Xhaçkës që të kryejë detyrën e ministres për Europën dhe Punët e Jashtme. Dua ta falenderoj me mirënjohje Gentin jo vetëm për dinjitetin në kryerjen e detyrës së derisotme, po edhe për gatishmërinë e plotë për të vijuar përpjekjen e përbashkët, duke u rikthyer në kabinetin e kryeministrit. Ndërkohë Niko Peleshi do të drejtojë ministrinë e mbrojtjes”, shkruan Rama. Karriera politike e Niko Peleshit: Niko Peleshi ka kryer studimet e larta për Inxhinieri Elektronike në Universitetin Politeknik të Tiranës me rezultate të shkëlqyera duke marrë titullin Inxhinier Elektronik. Në vitin 1989 ka përfunduar shkollën e mesme të përgjithshme “Raqi Qirinxhi” në Korçë me Medalje të Artë. Ai ka pasur një angazhim të gjatë në fushën e biznesit privat në qytetin e Korçës, si dhe në vitet (2001-2004) ka drejtuar me sukses Dhomën e Tregtisë dhe Industrisë Korçë. Karriera politike e Peleshit fillon në Tetor të 2004-ës, kur emërohet Prefekt i Qarkut Korçë dhe e ushtron këtë funksion përreth 1 vit. Në vitin 2005, zgjidhet Kryetar i Partisë Socialiste të qytetit të Korçës. Në zgjedhjet lokale të shkurtit 2007 zgjidhet Kryetar Bashkie i Korçës, për t’u rikonfirmuar edhe njëherë si Kryetar Bashkie në zgjedhjet lokale të 2011-ës. Prej vitit 2012 është anëtar i kryesisë së Partisë Socialiste.Prej Shtatorit të vitit 2013 Peleshi emërohet Zëvendëskryeministër, pozicion të cilin e mban deri në maj 2017. Në zgjedhjet parlamentare të vitit 2017, ai zgjidhet deputet në qarkun e Korçës duke kryesuar listën e Partisë Socialiste. Karriera politike e Olta Xhaçkës: Olta Xhaçka ka përfunduar studimet e larta me titull nderi në Shkenca Politike dhe Marrëdhënie Ndërkombëtare, si dhe studimet pasuniversitare Master në Administrim Publik, pranë Clark University në Masaçusets të SHBA-së. Përpara angazhimit të saj politik, Xhaçka ka qenë pjesë aktive e shoqërisë civile, në fushën e të drejtave të njeriut dhe mirëqeverisjes, si dhe ka punuar lektore e shkencave politike në Universitetin e Neë York Tirana. Prej vitit 2009, Xhaçka është pjesë e Grupit Parlamentar të Partisë Socialiste, fillimisht si përfaqësuese e Qarkut të Korçës për dy legjislatura në Kuvendin e Shqipërisë dhe në qershor 2017 është zgjedhur përfaqësuese e Tiranës në Kuvendin e Shqipërisë. Si aktiviste e të drejtave të njeriut, kryesisht në fushën e barazisë gjinore dhe si kryetare e Forumit të Grave Socialiste, znj. Xhaçka ka drejtuar prej vitit 2014 Nënkomisionin Parlamentar për Çështjet e të Miturve, Barazisë Gjinore dhe Dhunës në Familje dhe ka qenë anëtare e Komisionit të Punës, Çështjeve Sociale dhe Shëndetësisë. Në mars 2017, Xhaçka emërohet ministre në Ministrinë e Mirëqenies Sociale dhe Rinisë. Ajo është anëtare e Kryesisë së Partisë Socialiste, Kryetare e Forumit të Gruas së Partisë Socialiste që prej vitit 2010.

Top Channel/ Qeveria ndan shtëpi të reja! Vendimet, miratohet garancia sovrane për fermerët
31/07 23:02
Top News- Berisha akuza kreut të SPAK/ ‘ai keqpërdoret në shkallë ekstreme, mbron Irena Gjokën’
31/07 17:24
Top News/ Berisha do të heq ‘non gratën’/ kompania lobuese letër DASH- Dëmton interesat e SHBA
31/07 16:44
Top Channel/ Ndryshon drejtimi i Tiranës, prezantohen 4 nënkryetarë të rinj të kryeqytetit
31/07 15:26
Top Channel/ “Të hetohen numëruesit”, KAS i kërkon KQZ hetim në Fier, Durrës, Dibër dhe Tiranë
31/07 15:23
Top Channel/ Berisha: Çdo kallëzim me prova, kreu i PD replikon me Dumanin për provat e paraqitura
31/07 15:22
Top Channel/ Lobisti shet Berishën si pensionist, dokumenti: Të hiqet non-grata, sepse…
31/07 15:19
Top Channel/Qendra e Vizitorëve në Vjosë, Kumbaro:Hapësira të dedikuara për studiuesit dhe vizitorët
31/07 13:20
Top Channel/Rama: Opozitën e kam në shtëpi, Intervista për “Die Zeit”, kryeministri flet për Veliajn
31/07 12:09
Top Channel/ Veliaj: Do vazhdoj luftën për Tiranën. Pas përndjekjes nuk u gjet asnjë shkelje
30/07 15:23
Top Channel/ Berisha, krah kryeprokurorit. Mbështet kritikat e Çelës për draftin e Kodit të ri Penal
30/07 15:15
Top Channel/ KAS i heq mandatin simotrës së Lapajt dhe ja jep Ana Dajkos të parës në listë
30/07 15:10
Top Channel/ A do i njohë PD-ja zgjedhjet? Berisha: Gjithçka do vendoset nga forumet tona, por…
30/07 13:46
Top Channel/ A do të reformohet PD? Berisha: Kemi dokumenta që faktojnë shkatërrimin e zgjedhjeve
30/07 13:22
Top Channel/ Kodi i ri, Berisha: Ne i vetmi vend në botë ku nuk mund të denoncosh padrejtësitë…
30/07 12:52
Top Channel/ Ankesat e fundit për zgjedhjet, shqyrtohen kërkesat e dy kandidatëve
30/07 12:33
Top Channel/ Andia Ulliri kërkon me ngulm mandatin e deputetes, zhvillohet seanca në KAS
30/07 11:56
Top News- Mbyllen hetimet për Metën e Kryemadhin/ “Flas në gjykatë, do ndjekim procedurat”
29/07 16:21
Top Channel/ Daja i Shabanit sfidon KQZ/ Vazhdon përplasja me Lapajn për mandatin e deputetit
28/07 23:22
Top Channel/ SPAK mbyll hetimet për Metën, çështja drejt gjyqtarit paraprak për 5 të akuzuar
28/07 19:45