Pamje shqetësuese nga Vilbashtova! Një denoncim i mbërritur në redaksinë e Fiks Fare ngriti alarmin për praninë e mbetjeve spitalore në grykëderdhjen e lumit Shkumbin, pranë plazhit të Vilbashtovës. Gjatë verifikimeve në terren, u konstatuan shiringa, age, ampula, paketime ilaçesh dhe mbetje të tjera mjekësore të shpërndara përgjatë bregut, shumë pranë zonës ku pushojnë qytetarë dhe turistë. Përfaqësuesi i bashkisë Rrogozhinë tha se në zonë gjenden jo vetëm mbetje plastike, por edhe mbetje spitalore, qelqe dhe madje kafshë të ngordhura. Ai theksoi se aktualisht e vetmja mundësi mbetet organizimi i aksioneve të tjera pastruese, duke pranuar se kjo nuk përbën një zgjidhje përfundimtare të problemit.