Partia Demokratike po mbyll marrëveshjet me aleatët tradicionalë për zgjedhjet e 25 prillit. Pas Agron Dukës, ishte radha e demokristianit Nard Ndoka dhe kreut te LZHK Dashamir Shehi per te siguruar paraprakisht nje vend te sigurte ne Kuvendin e ri. Pakti i ri duket se e ka bazën tek vendimi për djegien e mandateve ne 2019. “Praktikisht e kemi mbyll në bazë të asaj që ka qenë marrëveshje që 5 kryetaret e partive dolën nga Parlamenti duke djegur mandatet dhe do futen sërish në Parlament. Unë do jem në Tiranë”, tha Shehi. “Do kandidoj në qarkun e Shkodrës ku kam kandidat në gjithë historinë time politike. Nuk është luksi për të kërkuar përtej mundësive tona apo ato çfarë përfaqësojmë, por për të dhënë kontributin tonë për largimin e kësaj mazhroanca “, tha Ndoka. Opozita nuk ka më dilema, ajo do dalë me dy lista në zgjedhje, njëra e LSI dhe tjetra e PD-së. Aleatët historik të demokratëve ndihen me komod ne listën e Partisë Demokratike. NDOKA- LSI me partitë e tjera edhe të së majtës të jetë një grupim dhe PD me aleatet tradicionalë të jetë grupim tjetër. “Nuk shoh sakrilegj nëse do ketë parti që do i afrohen LSI- së ne do kemi me LSI një marrëveshje të madhe që do vijoje dhe pas zgjedhjeve”, tha Shehi. Negociatat te cilat po zhvillohen në selinë blu mes demokratëve dhe republikanëve duken të vështira, pasi Fatmir Mediu kërkon vlerësim të peshës elektorale për renditjen e kandidatëve në fletën e votimit.