Banorët e një lagjeje të fshatit Pirrë, Njësia Administrative Bubullimë në Lushnje, ankohen se prishjet e mureve dhe rrethimeve të shtëpive të banorëve anash rrugës që po ndërtohet janë bërë në mënyrë selektive. Sipas tyre në fillim u tha që rruga do jetë e gjerë 7 metra, kështu banorët firmosën që muret rrethuese të banesave të tyre të prishen, por në fakt disa u toleruan edhe pse drejt banesave të tyre rruga nuk ka gjerësinë sa te banesat e tjera. Dhe është pikërisht shtëpia e kryeplakut dhe një punonjësi të ujësjellës kanalizimeve , rrethimet e të cilave nuk janë prekur. Njëri prej tyre tregon se i prishën muret, ndërsa ata që kanë lidhje politike nuk ju prishën. Kryeplaku për gazetarët mohon të ketë ndikuar që të mos prishet rrethimi i banesës së tij, madje ai thotë se ka kërkuar të shoh projektin, por askush nuk e ka pritur. Administratori i Njësisë Administrative Bubullimë,Artan Mina , tregon se rruga po bëhet nga Bashkia Lushnje, nuk e di sa do jetë vlera e investimit, dhe punimet janë ndërprerë për shkak të disa problemeve teknike në rrugë, por do rinisi puna dhe do prishen edhe ato pjesë rrethimesh që nuk janë prishur.