Presidenti Ilir Meta ishte ne ceremoninë që po zhvillohet në pallatin e Kongreseve për të ndjerin Bashkim Fino. Meta tha se ky moment është shokues për të: Kam shumë kujtime të veçanta me të , ishte përkrahës i të rinjve, figurë sportive, edhe kjo na bashkonte, dhe tjetra ishte shumë njerëzor, bujar, tolerant dhe dinte të dallonte dallimet politike nga raportet politike Momenti i sotëm shokues, që u nda nga jeta, pavarësisht se kishte sfida me shëndetin e ditët e fundit, dua t’ju them familjarëve të tij, PS, dashamirësve , që e donin dhe respektonin . Bashkim Fino lindi më 12 tetor 1962 në Gjirokastër. Ishte Kryeministër i Shqipërisë prej 9 mars 1997 deri më 29 qershor 1997. Kreu studimet e larta në Universitetin e Tiranës, Fakulteti Ekonomik, dega Financë. Në vitin 1992, Z. Fino u zgjodh Kryetar i Bashkisë Gjirokastër, post të cilin e mbajti deri në vitin 1996. Karriera e tij politike në Partinë Socialiste është e hershme. Prej vitit 1997 e në vazhdim ishte anëtar i Kryesisë së Partisë Socialiste. Kulmi i karrierës së tij do të shënohej në vitin 1997, ku do të zgjidhej Kryeministër i vendit në qeverinë e Pajtimit Kombëtar, post që do ta mbante nga muaji mars deri në korrik. Z. Fino ka mbajtur disa poste ministrore. Nga viti 1997 deri në 1998 ushtroi detyrën e Ministrit të Pushtetit Lokal, njëkohësisht dhe Zv/kryeministër. Në 1999 deri në vitin 2001 do të ishte ministër i pushtetit lokal. Gjatë viteve 2001-2002 ka qenë Ministër i Punëve Publike dhe Turizmit.