Rasti i denoncuar në Fiks Fare i mësuesit që jepte mësim edhe pse kishte probleme të shëndetit mendor dhe dhunonte nxënësit, ka vënë në lëvizje Drejtorinë Vendore të Policisë Shkodër. Nën hetim janë tre persona, drejtoresha aktuale, drejtori i shkollës që ka qenë në momentin që është marrë në punë mësuesi si dhe mjekja që lëshoi raportin e aftësisë për punë. Por ajo që vihet re në këtë rast është se institucionet kanë dalë 'pa lagur'. Pasi as ZA Shkodër dhe DAR Shkodër nuk janë prekur nga hetimet edhe pse janë institucione të cilat kanë kompetencë të kenë dosjen e plotë të çdo mësuesi, si dhe dëshminë e aftësisë për punë.