Dritaret duhet të mbahen të hapura, sipas udhëzuesit të miratuar nga MSH për rregullat anticovid që duhet të ndërmarrin institucionet arsimore në mënyrë që të parandalohet përhapja e virusit. Por sa e zbatueshme është kjo masë në stinën e dimrit, kur temperaturat janë shumë të ulëta? Flasin nxënësit dhe prindërit : 1.Duhet t'i mbajmë hapur që të ajroset klasa, por kemi dhe shumë ftohtë. I kemi thënë zyshës 100 herë ta mbylli po zysha nuk na dëgjon... 2.Bën ftohtë por prapë nga koronavirusi i mbajmë të hapura dritaret. 3.Ka raste që rrimë edhe me xhupa brenda kur është shumë ftohtë po prapë i mbajmë hapur dritaret, të paktën 1 4.Po zbatohet udhëzuesi më duket absurde se fëmijët janë më të rrezikuar nga virozat e stinës , sidomos këto ditë do jetë më ftohtë e mos do kenë temperaturë. Në një vëzhgim të kryer nga Top Channel në disa shkolla të kryeqytetit vihet re se jo të gjithë ndjekin procesin e ajrosjes së klasave, duke zgjedhur përpara udhëzuesit mendimin e fëmijëve, të cilët thonë se kanë ftohtë.