“Më zë stomaku kur flet”, përplasja e Sulit me Ndrecën: Vrasësi po kthehet tek vendi i krimit

Pas një viti të gjatë tensionesh me Greqinë nga arrestimi i kryetarit të zgjedhur të Himarës, Fredi Beleri, Edi Rama do të vizitojë Athinën. Vizita është parashikuar të mbahet në 12 maj, ekzaktësisht 1 vit nga data e arrestimit të Belerit. Vizita nuk ka lidhje me këtë ngjarje, pasi kryeministri do të takohet me shqiptarët në Athinë, por kjo koiçidencë dhe tensionet gjatë këtyre muajve kanë prodhuar një valë reagimesh deri në nivelet më të larta të politikës greke. Në një intervistë për gazetën ProtoThema, kryeministri grek Mitsotakis është pyetur nëse është i mirëpritur për vizitë në Athinë homologu i tij shqiptar Edi Rama. “Ai nuk vjen si mysafir i qeverisë greke, pra nuk është një vizitë, me karakteristika dypalëshe”, tha Mitsotakis duke shtuar se qeveria e tij as do ta lehtësojë por as nuk do ta ndalojë tubimin e kryeministrit Rama.