Partia Demokratike pësoi një nga humbjet më të thella në historinë e saj në 11 maj, por kjo nuk do të sjellë ndryshime në lidershipin e Partisë Demokratike. Sali Berisha konfirmoi për mediat atë që deklaroi hapur për Top Channel, Flamur Noka një ditë më parë se opozita nuk do t’i njoh zgjedhjet madje do të nis edhe protestat. Më shumë se respektimi i statutit të PD që e detyron të jap dorëheqjen pas humbjes në zgjedhje, Berisha beson se forca e tij në opozitë për të katërtën herë duhet të fokusohet tek parregullsitë e zgjedhjeve. Derimë tani të vetmit që kanë folur hapur kundër Berishës janë deputetë që pakënaqësinë ndaj Berishës e kishin shprehur që përpara zhvillimit të zgjedhjeve si Dashnor Sula dhe Ferdinand Xhaferri, por a do të vijojë kjo heshtje? A do të pranohet vendimi i Berishës për thirrjen e protestave brenda partisë demokratike? A do të ketë zëra kundër që kërkojnë një lidership të ri, apo "besniket e listave te tij" do ta mbajne ne krye te PD?