Antonio Costa, Presidenti i Këshillit Europian, ka mbërritur në Tiranë për samitin komunitetit politik europian. Pas takimit me kryeministrin shqiptar, ata kanë dalë në një konferencë per shtyp, ku Rama ripërsëriti planin për mbylljen e negociatave brenda vitit 2027. Sot Shqipëria është zyrtarisht në tryezën e negociatave, me 16 kapituj të hapur, 8 të tjerë do të hapen ditët në vijim, synojmë t’i hapim të gjitha brenda këtij viti, dhe siç e kam ndarë edhe publikisht gjatë gjithë fushatës, plani i përbashkët me BE i mbështetur me vendet anëtare është të mbyllim negociatat brenda 2027. Edhe Presidenti i Këshillit Europian shprehu bindjen se Shqipëria mund të bëhet pjesë e unionit para vitit 2030. “Ne do të shikojmë dita-ditës se çfarë po bën Shqipëria, pra arritjet e Shqipërisë dita-ditës e sapo të kemi përfunduar procesin, në atë moment Shqipëria do të bëhet shtet anëtar i bashkimit Europian. Pse jo, madje edhe më përpara? Pse jo përpara vitit 2030? Që do të thotë që në rast se Shqipëria do të vijojë me këto rezultate, me të njëjtin ritëm, atëherë është plotësisht e mundur që Shqipëria të bëhet shtet anëtar i Bashkimit Europian përpara vitit 2030”. Në një kohë kur opozita po e konteston fuqishëm rezultatin e zgjedhjeve, Antonio Costa përcolli një mesazh krejt tjetër për ata qe humbën në 11 Maj.