Fiks Fare transmetoi mbrëmjen e së hënës se mbetje të rrezikshme farmaceutike janë hedhur pranë shtratit të lumit Kir , afër varrezave të dëshmorëve në Shkodër. Me dhjetra kuti me Vitaminë C 500 mg në formë tabletash, të cilat kanë vit prodhimi në janar të vitit 2021 dhe skadenca në dhjetor të vitit 2022. Kutitë me vitamina të skaduara vitamiash janë hedhur në një ndërtesë të shkatërruar pranë lumit Kir, të cilat më pas nga kushtet atmosferike apo kafshët janë shpërndarë në shtratin e lumit. Prej dy javësh këto mbetje farmaceutike janë shpërndarenë këtë zonë dhe në shtratin e lumit, por askush nuk ka marrë masa për largimin apo asgjesimin e tyre. Problemi nga ana e institucioneve është konstatuar që në mes të muajit shkurt ku vetë banorët kanë dhënë alarmin, por deri më sot asgjë nuk është bërë dhe nuk dihet gjë për autorët. Ndërkohë që Bashkia Shkodër ka marrë përsipër pastrimin e territorit nga këto mbetje, policia 'ngre duart' lart për përgjegjësit. Ndërkohë një ndryshim i bërë për rregulloren e ushqimeve shtesë kontrollin për suplementet si vitamina dhe minerale i bën AKU. Fakt të cilin AKU Shkodër e hedh poshtë me arsyetimin që nuk kanë akses në kontrollin e farmacive.