Ministrja e Shëndetësisë dhe Mbrojtjes Sociale, Ogerta Manastirliu dhe Ambasadori i Bashkimit Evropian në Shqipëri, Luigi Soreca morën pjesë në ceremoninë e dorëzimit të paketës së katërt të mbështetjes së Bashkimit Evropian për Shqipërinë. “Jemi duke u përgatitur për hapjen e dy spitaleve të tjera COVID dhe për çdo skenar, sipas strategjisë për përballimin e situatës”- Deklarata u bë nga Ministrja Manastirliu në spitalin COVID4, gjatë ceremonisë së dorëzimit nga Ambasadori i Bashkimit Europian, Luigi Soreca, të pjesës së katërt të ndihmës së BE-së për Shqipërinë, në kuadër të mbështetjes për përballimit e situatës së shkaktuar nga COVID19. Duke falenderuar vendet e Bashkimit Europian për mbështetjen, Manastirliu u shpreh se po bëhen të gjithë përpjekjet, për të rritur kapacitetet testuese, kapacitetet laboratorike, për t’iu përgjigjur çdo situate që kjo epidemi mund të sjellë.