Manastirliu: Bëhemi gati për COVID4 dhe spitalet rajonale
23/11/2020 16:33

Ministrja e Shëndetësisë dhe Mbrojtjes Sociale, Ogerta Manastirliu së bashku me ekipin e mjekëve dhe infermierëve ka inspektuar ditën e sotme spitalin Covid4 në aksin Tiranë-Durrës, i cili është gati për t’u hapur, me ezaurimin e kapaciteteve në tre spitalet COVID. “Kapacitetet tona që tashmë i kemi ngritur dhe janë gati që në momentin që duhet, për t’u vënë në funksion. Numrat në rritje të rasteve të infektimeve dhe sigurisht numrat në rritje të rasteve në spitale, tashmë duke qenë se edhe spitali Covid3 është tërësisht me të gjitha kapacitetet i hapur në pritje të trajtimit dhe shërbimit të qytetarëve, edhe spitali Covid4 gjithashtu do të vendoset në një kohë të shpejtë në dispozicion të pacientëve për trajtimin e Covid19, me ezaurimin e kapaciteteve të 3 spitaleve COVID”, tha Manastirliu. Ministrja e Shëndetësisë deklaroi nga spitali COVID4 se po përgatiten edhe spitalet rajonale për përgallimin e situatës së epidemisë. “Kjo nuk është një periudhë e lehtë, e cila po shoqërohet me rritje të numrit të rasteve, ndaj vendosja në dispozicion e kapaciteteve të reja dhe përgatitja për hapjen e spitalit COVID4 vjen si përgjigje për përballjen e situatës. Nga ana tjetër edhe spitalet rajonale po përgatiten dhe tashmë strukturat janë ngritur, personeli është trajnuar, aparaturat biomjekësore janë vënë në dispozicion”, tha Manastirliu. Dr. Daniela Nika, nëndrejtore e QSUT, strukturë e cila do të administrojë edhe spitalin COVID4 u shpreh se në strukturën e re janë të gjitha pajisjet për t’u shërbyer pacientëve. “Siç mund ta shihni, struktura është e pajisur me panelet e oksigjenit, me monitorë, nëse do të duhet që pacienti të intubohet këtu kemi disponibël edhe respiratorë. Këtu do të bëhet përgjithësisht vlerësimi i parë për pacientët dhe pastaj sipas nevojës ata do të shpërndahen qoftë në pavionet lart apo në terapinë intensive nëqoftëse gjëndja do të jetë e rënduar”, shpjegoi Dr. Daniela Nika. Prof. Krenar Lila, duke folur për stafet mjekësore që do të shërbejnë në spitalin Covid4, tha: “Kanë shprehur gadishmërinë e tyre infermierë të cilët punojnë në reanimacionet përkatëse në QSUT të cilët kërkojnë që të punojnë në spitalet infektive. Do të merret një pjesë e specializuar e infermierëve, sigurisht do të ketë dhe infermierë të rinj. Lidhur me personelin reanimator, është ndërtuar një plan, i cili do të funksionojë për të mbuluar shërbimin gjatë 24 orëve”, tha Krenar Lila. Duke falenderuar mjekët dhe infermierët që i janë përgjigjur thirrjes për t’u bashkuar me ekipet mjekësore që do të shërbejnë në strukturat Covid, Manastirliu bëri thirrje për të gjithë qytetarët, duke kërkuar bashkëpunim, për qëllimin e përbashkët që është ruajtja e shëndetit. “Duhet kuptuar se kjo nuk është një betejë që bëhet vetëm në spitale. Duhet të jetojmë me rregulla, të kemi përgjegjësi maksimale, sjellje individuale të kontrolluar, maskën, distancën, higjienën, të kufizojmë kontaktet, të mos qëndrojmë në grupe më shumë se 10 veta. Sigurisht që momenti i festive të Nëntorit do të jetë edhe njëherë një sfidë e rradhës për ti thënë qytetarëve që kush është patriot, kush e do vendin, kush e do veten, kush e do familjen, do të duhet që të zbatojë rregullat dhe të kufizojë kontaktet. Ne duhet ta bëjmë për familjarët tanë, për veten tonë, për mjekët dhe infermierët që po sakrifikojnë prej 9 muajsh”, bëri thirrje Manastirliu.

Top Channel/ Po nxirrte të moshuarit nga flakët, shefi i policisë me djegie të shumta në trup
25/07 23:05
Top Channel/ Policia dhe BKH kontrolle blic në Tiranë, Vlorë dhe Palace, lëshohen 7 masa sigurie
25/07 22:28
Top News- Me lot në sy, banorët tregojnë luftën me zjarret- U dogj çdo gjë
25/07 22:17
Top News- Tre fshatra nën pushtetin e flakëve – Luftë nga toka e ajri për shuarjen e zjarreve
25/07 22:16
Top Channel/ Përfshihet nga zjarri edhe mali i Shpiragut, 30 mjete zjarrfikëse në “luftë” me flakët
25/07 22:08
Top Channel/ “Po verifikojmë për vatra zjarri”, ministri Vengu qetëson banorët që u evakuuan: Do ju…
25/07 20:33
Top News- Ministri i Mbrojtjes ndalon banorin për shkak të zjarrit: Të respektojmë protokollin
25/07 20:11
Top Channel/ Krimi në Fier, psikologët shpjegojnë ngjarjen me dëmtim të thellë psikik të personave
25/07 20:07
Top Channel Tmerr nga zjarri në Delvinë, evakuohen banorët! 3 të lënduar
25/07 20:05
Top News- Zjarri shkon drejt shtëpive, evakuohen 3 fshatra në Delvinë
25/07 18:15
Top News- Evakuohen 3 fshatra në Delvinë/ Zjarret rrezikojnë jetën e banorëve
25/07 18:15
Top Channel/ Urdhri për evakuimin e 4 fshatrave, Ministri Vengu në Delvinë
25/07 18:11
Top News – Euro në ‘rënie të lirë’. Zhvlerësohet në nivelet rekord ndaj lekut
25/07 17:19
Top News – Digjet fshati në Delvinë. Flakët shkrumbojnë banesa dhe kishën 200-vjeçare
25/07 17:18
Top Channel/ Zjarri përfshin një pyll në fshatin Strelcë të Maliqit, zjarrfikëset drejt vendngjarjes
25/07 17:01
Top Channel/ Kultivoi bimë narkotike mes një sipërfaqeje me shkurre, arrestohet 41-vjeçari në Fier
25/07 17:00
Top News- Putin e Zelenski takohen ‘në fund’/Kremlini refuzon Zelenskin: Vetëm për të firmosur paqen
25/07 16:17
Top Channel/ Digjet palma në ish-Bllok, zona mbulohet nga tymi
25/07 16:03
Top Channel/ Grushte dhe sende të forta! Sherr mes turistëve në Sarandë
25/07 15:56
Top Channel/ Zjarri shkrumbon 11 banesa ne Delvinë, banorët të alarmuar: Zjarrfikesja s’kishte ujë
25/07 15:35