Monika Kryemadhi ka zbuluar se fundmi se Lëvizja Socialiste për Integrim përjashtoi nga partia Lefter Koken si ministër Mjedisi, sepse hodhi firmën për ndërtimin e inceneratorëve. Sot kryetarja e LSI ne një dalje për mediat iu rikthye serish qëndrimit për inceneratorët. “Për hir të së vërtetës, janë kompani guackë, sjell që thonë këto, të fshehura që në një farë mënyre kanë lidhje të drejtpërdrejta me kompani apo me individë të që ndërrojnë vetëm emrin e guackës, nga Vongola shkojnë të Dateri, nga Dateri dhe çfarë u ofrojnë sot shqiptarëve? Vetëm grabitjen”. Ish ministër i Drejtësisë se LSI ka një mendim tërësisht ndryshe nga Monika Kryemadhi. Sipas Ylli Manjani ne qeverinë Rama nuk ishte vetëm Lefter Koka ministër Mjedisi, por kabineti kishte edhe ministra te tjerë te LSI, te cilët nuk e kundërshtuan projektin e incineratoreve, ndaj për ketë arsye përgjegjësi politike bie mbi te gjithë partine. Ylli Manjani: Gjykoj se LSI mban përgjegjësi politike. LSI minimalisht kishte në dorë ta ndalte këtë masakër mjedisore, urbane, buxhetore dhe anti-integrim, por nuk e bëri! Mirë u çmend Lefteri, po të tjerët pse e lejuan që qeveria të vendosë brenda ditës?! Pse u lejua të shkelej dokumenti strategjik për trajtimin e mbetjeve?! Pse u lejua shkelja e angazhimeve të marrëveshjes së Stabilizim Asocimit?! Kjo e fundit për LSI kishte në shumë kuptim se asgjë tjetër. LSI nuk ndali në fakt asgjë nga këto të liga anti-europë e anti-integrim të modelit Edi Rama, që po përjetojnë sot shqiptarët. Kur them LSI, fus dhe veten time për aq sa më takon në këtë përgjegjësi. Kjo është e vërteta, me të cilën nuk mund të luhet për asnjë arësye mendoj unë. As për të bërë Opozitë. Nuk është e thënë të jesh peng i të shkuarës, por distancimi nga ajo bëhet më i besueshëm me një ndjesë si fillim dhe, në vijim me një plan rikuperimi.