LSI dorëzoi shumë më herët listat e kandidatëve për deputetë. Kryetarja e LSI tha se në listat e LSI ka shumë emra grash dhe vajzash. Monika Kryemadhi, kryetare e LSI do të jetë emri i parë në listën e Tiranës dhe listën e Fierit si dhe ne listën e Elbasanit. Ligji lejon që kryetarët të kandidojnë në katër zona gjithsej. Ndërkohë në zonat e tjera drejtimi i listave do jetë nga emra të njohur të LSI, në Korçë është Endrit Brahimllari, në Gjirokastër rikonirmohet Vangjel Tavo, në Fier, pas Kryemadhit e dyta në listë edhe Kejdi Mehmetaj, në Elbasan i dyti është Altin Toska. Në Durrës ka shumë ndryshime. Në krye të listës LSI ka vendosur si kandidate Elona Gurin, një emër shumë i njohur për strukturat organizative të LSI dhe pas saj është ish këshilltari i sigurisë së presidentit Meta, Bahri Shaqiri. Në qarkun e Dibrës në krye të listës është Hajri Laçi. Në Berat ka nisur tashmë fushatën Ardit Çela/ Në Vlorë në krye të listës është Luan Rama, në Lezhë Viktor Tushaj edhe në Shkodër ska ndryshime, kandidat është biznesmeni Agron Çela, në Kukës është Erblin Bulica. Në Tiranë LSI ka pasur numrin më të madh të deputetëve. Lista e Tiranës kryesohet nga Kryemadhi e më pas është anëtarja e kryesisë Erisa Xhixho, i treti numri dy i LSI Petrit Vasili, e më pas me radhë Klajda GJosha, Përparim Spahiu dhe Edmond Haxhinasto i cili këtë vit nuk do jetë në Elbasan.