Gjermania nisi dy anije luftarake në rajonin e Indo-Paqësorit me qëllimin, sic u tha, të forcojë praninë e saj ushtarake atje në mesin e tensioneve në rritje mes Kinës dhe Tajvanit në detin e diskutueshëm të Kinës Jugore. Lajmi u përhap me shpejtësi në mediat e mëdha ndërkombëtare. Anija cisternë e marinës Frankfurt am Main u nis nga qyteti port i Wilhelmshaven, e dërguar nga Ministri i Mbrojtjes Boris Pistorius me 200 pjesëtarë personeli në bord. Ajo së bashku me fregatën Baden-Wurttemberg, do të shërbejnë në rajonin mesa Afrikës, Australisë dhe Japonisë të paktën deri në muajin dhjetor. Forcat Ajrore Gjermane do të jenë gjithashtu në zonë që nga mesi i qershorit deri në gusht dhe do të marrin pjesë në stërvitje me vendet aleate, përfshirë Indinë. Lëvizje të rralla këto nga ana e Berlinit zyrtar. Argumenti publik i qeverisë së Olaf Scholzit ishte se qëllimi i këtij misioni është të sigurojë që Europa dhe Gjermania "të kenë një prani më të madhe në Indo-Paqësorin e konsideruar ekonomikisht si njëri nga rajonet më të rëndësishme të globit. Por a ka në këtë mes dicka edhe më shumë se kaq?