Flakët e ndezura nga 2 shtetasit ukrainas në mesin e muajit gusht, duke fundosur anijen e mbushur me kanabis të nisur nga Lugina e Patokut, kanë djegur pak ditë më parë shefin e Komisariatit të Kurbinit, Dritan Metaj. Përmes një aksioni të inisciaur nga SPAK, efektivët e Policisë së Shtetit vunë në pranga kolegun e tyre në krye të Policisë së Laçit si të përfshirë në trafikun e drogës. Në përgjimet e kryera nga organizata partnere është zbardhur edhe roli që Dritan Metaj kishte në grupin kriminal të trafikut të drogës në Fushë Kuqe. Edhe pse ishte numri 1 i komisaritit të Laçit dhe do të duhej të jepte urdhëra për ndalimin e të inkriminuarve, vetë Metaj rezulton të kishte rolin e transportuesit personal të atij që cilësohet si baron i drogës në këtë grup krimina, Gëzim Çelaj. Sipas përgjimeve të kryera, Metaj dyshohet se lëvizjen e Çelajt dhe dy anëtarëve të tjerë të grupit kriminal, Arben Dalipaj dhe Roland Guzo i bënte personalisht në mënyrë që të mos i kontrollonte njeri apo të mos dyshonin tek ata. Por ky nuk është rasti i parë që një drejtues i lartë policie bashkëpunon apo i shërben grupeve kriminale. Dosja "Metamorfoza 1" nxorri në pah rolin e shefit të operacionales Oltion Bistri dhe prokurorin Xhevahir Lita se si përmes telefonatave dhe sms-ve në aplikacionin Sky EÇ tradhëtonin punën e zyrtarëve dhe efektivëve të Policisë që kishin zgjedhur të punonin ndershmërisht. Të dhënat për përfshirje të të tjerë zyrtarëve në dosjen Metamorfoza 2 ka ngritur dyshimet për të tjera dorëheqje në rradhët e Policisë të cilat duket se pavarësisht kalimit të viteve nuk po mund të vetëpastrohen. Përse bashkëpojnë shefat e Policisë me Krimin? Përse tradhëtohen efektivët e ndershëm? Si mund të ndërpriten lidhjet mes krimit dhe Policisë? A janë kërcënimet apo shumat e majme që i kthen drejtuesit e Policisë në bashkëpunëtotë të anëtarëve të organizave kriminale?