Fuqia e vetë-ndryshimit e bën PS të paplakshme dhe të pavdekshme deklaroi Edi Rama. Sinjalin e parë të një tërmeti në gjirin e grupit aktual parlamentar e dha kur prezantoi 9 gra e tre burra si të parët në udhëheqjen e 12 qarqeve. Sikurse në zgjedhjet e shkuara ndërtimi skuadrës të 25 Prillit ishte një mundësi e artë të cilën Rama e shfrytëzoi për të mos ri-kandiduar 28 deputetë nga grupi aktual parlamentar. Ndërkohë ata që njihen si senatorët e PS u vendosën në pozicione të vështira apo në kufijtë e të pamundurës për tu rizgjedhur. Kështu në listën e Tiranës nën zonën fituese, u renditën Pandeli Majko, Mimi Kodheli, Fatmir Xhafaj bashkë me Spartak Braho. Ndër 28 deputetët që nuk u ri-kandiduan janë ish ministri i punëve të Jashtme Ditmir Bushati i cili në mbledhjen e kryesisë të PS pati një përplasje të fortë mbase të fundit përballë Edi Ramës. Adnor Shameti antari aktiv i komisionit të ligjeve është një tjetër emër që mbeti jashtë listës të Beratit.