Përvec Gjykatës Kushtetuese, duket se institucionet e posaçme, janë të gjitha në të njëjtën linjë, Belinda Balluku, duhet të pezullohet nga detyra e zv.kryeministres dhe ministres së Energjitikës. Apeli i GJKKO sot ka pasur një tjetër vendimmarrje të fortë, pasi ka lënë në fuqi masën e pezullimit dhe ndalimit nga vendi, deri në momentin që të shprehet Kushtetuesja në janar. Vendimi argumentohet me veprën penale të favorizimit të tenderave në dy raste, në lidhje me Tunelin e Llogarasë dhe për Lotin 4, të Unazës. Provat e paraqitura nga prokurorët e SPAK i bindën ata të lënë në fuqi të njëjtën masë. Pala mbrojtëse e Ballukut ka deklaruar se personat që janë në procesverbal, nuk kanë lidhje me personin në hetim, duke thënë kështu që duhet të hiqet masa e ndalimit jashtë vendit dhe sa kohë Kushtetuesja ta shqyrtojë në themel çështjen e pezullimit nga detyra, të mos ‘preket’ kjo pikë. Ndërkohë, SPAK ka kërkuar heqjen e imunitetit ditën e martë ndaj Belinda Ballukut sepse kërkon ashpërsimin e masës në arrest me burg pas gjetjeve të tjera abuzive me lotët e Unazës së Tiranës. Komisioni i Mandateve do të diskutojë ditën e premte, në orën 10:30 heqjen e imunitetit ndaj Ballukut. Si do të ndikojë ky vendim në përballjen e saj me SPAK dhe për vetë PS?