Banorët e lagjes Nr.1 në Krujë ankohen për rrugën "Goce" e cila është e pakalueshme nga mjetet dhe prej vitesh nuk ka parë dritë investimesh.Përveç kësaj një komshi i tyre e ka zaptuar duke shtyrë gardhin e rrethimit dhe futur një pjesë të mirë të rrugës brenda shtëpisë së tij. Banorët ankohen se vetëm në këmbë mund të kalohet kjo rrugë dhe nuk kanë si të hynë mjetet e domosdoshme si ambulanca, zjarrfiksja apo edhe mjet tjetër për të përcjell në banesën e fundit ndonjë të afërm. Fiksi u interesua në Bashkinë Krujë ku një punonjës i saj konfirmoi se rruga do investim, zaptimi është i paligjshëm. Ka dalë fond për shtrimin e saj por që asnjë firmë nuk ka pranuar ta marrë përsipër. Bashkia pohon se ka kërkuar t'ua vërë fondin në dispozicion banorëve e ta ndërtojnë vetë rrugën , por këta të fundit nuk kanë pranuar të bëjnë punët që i takojnë shtetit. Sipas bashkisë presim të dalin fondet dhe për dy rrugë të tjera që t'i marri një firmë për t'i ndërtuar.