“Përbindësha me probleme mendore”. Të tillë ishin për Sekretarin amerikan të Shtetit, John Kerry, autorët e sulmeve të së premtes në Paris. Përpara Ambasadës amerikane në kryeqytetin francez, ku ndodhet për bisedime me shefin e Elizesë, Francois Hollande, Kerry e quajti Francën “miken më të vjetër të Amerikës dhe aleaten e parë”, e shtoi se “e vetmja përgjigje për dhunën që tronditi vendin, duhet të jetë një ndjenjë e pakufijshme solidariteti”.