Blutë e Tiranës kanë arrestuar në flagrancë 3 shtetas dhe shpallen në kërkim 2 shtetas të tjerë, të cilët në bashkëpunim me njëri-tjetrin vidhnin në banesa të ndryshme në qarkun e Tiranës. Top Channel mëson se tre të arrestuarit janë: Etem Murataj, Smajl Shkemza dhe Dorian Basho. Zbardhen dhe dokumentohen po ashtu 7 raste të vjedhjeve në banesa, 3 prej tyre vjedhje kasafortash, të cilat dyshohet se janë kryer nga këta shtetas. Në cilësinë e provës materiale janë sekuestruar 2 automjete, shuma prej 10.000 euro dhe një pajisje për bllokimin e valëve.