Një person me rrezikshmëri të lartë shoqërore është kapur dhe vënë në pranga në Bulqizë. Mësohet se 45-vjeçari i dënuar për vrasje të mbetur në tentativë, i cili është i dyshuar edhe për vepra të tjera penale të ndodhura në Bulqizë, për t’iu shmangur kontrolleve të Policisë, kishte krijuar një vendstrehim sekret. Pas rrethimit të banesës në fshatin Dushaj dhe ndërhyrjes profesionale u bë e mundur kapja dhe prangosja e shtetasit të kërkuar Vehap Shehu, 45 vjeç, i cili në momentin e ndërhyrjes u gjend i fshehur në një ambient sekret.