Ushtria izraelite ka marrë të martën kontrollin e pikëkalimit kufitar në Rafah, midis Gazës dhe Egjiptit, pjesë kjo e cila ka qenë jetike për dërgimin e ndihmave humanitare dhe daljen e njerëzve të plagosur nga lufta në Gazë. Ushtria izraelite tha se forcat nisën një operacion tokësor dhe ajror në një pjesë të Rafahut lindor. Kjo gjë erdhi pasi Hamasi pranoi armëpushimin për të mos përshkallëzuar situatën në Rafah ku ndodhen rreth 1 milionë civilë. Megjithatë, Izraeli nuk e pranoi armëpushimin nga ana tjetër, ndërsa në lidhje me operacionin për të marrë në kontroll Rafahun u shprehen se është një “operacion i kufizuar”. Marrja e Rafahut ka ngritur një shqetësim të madh ndërkombëtar pasi është pika kryesore strategjike ku kalojnë ndihmat humanitare drejt civilëve në Gaza dhe kjo lëvizje e Izraelit shihet si një “dënim me vdekje” kundër banorëve të Gazës, veçanërisht të sëmurëve dhe të plagosurve. Gazetare: Luçiana Hulej Çdo ditë në një transmetim live do të vinë ngjarje të aktualitet, fenomene histori njerëzore, por edhe ngjarje të bujshme, ku program do të thellohet në to për të sjellë ekskluzive protagonistët e tyre. Lidhje direkte nga e gjithë Shqipëria. Dinamika e jetës shqiptare do të jetë çdo ditë në ekranin e Top Channel. Prezantojnë: Erjona Rusi & Arjon Muça Autore: Eralda Kenaj