Në orët e para të mëngjesit të së shtunës grupi rebel antiqeveritar Hayat Tahrir al-Sham vijoi me intensitet ofensivën e nisur më herët në Aleppo duke arritur në qytetin e Homs dhe brenda dy ditësh morën Damaskun. Udhëheqësi i grupit rebel, Abu Mohammad Al Javlani rrëzoi presidentin e vendit, Bashar al-Assad, me synimin për të krijuar një qeveri të re. Ai ka një histori të gjatë si një udhëheqës xhihadist në Irak dhe Siri. Pasi mori Damaskun duke shënuar kështu dhe fundin e regjimit të Assad, Al Jolani i është drejtuar sirianëve nga xhamia Umajad në qendër të qytetit. Regjimi i Asadit tha ai "burgosi ​​mijëra qytetarë të tij padrejtësisht dhe pa asnjë krim", duke shtuar se "sot, ne shpërblehemi me këtë fitore. Kjo fitore është e të gjithë sirianëve". Fitorja e rebelëve ka sjëllë festime të sirianëve në të gjithë botën për rrëzimin e Assadit. Teksa ky i fundit në këto dy ditë deklaronte se nuk ishte larguar nga Damasku, ishte pikërisht Rusia ajo që bëri të ditur se bashkë me familjen e tij Assadi ndodhet në Moskë ku dhe ka marrë azil politik. Gjenerali Hafez al-Assad mori pushtetin në vitin 1970, duke krijuar një sistem politik represiv. Pas vdekjes së tij në vitin 2000, djali i tij Bashar al-Assad trashëgoi presidencën. Pas lirimit të të burgosurve dhe shpalljes së fitores së rebelëve një tjetër sfidë e pret Sirinë. Sa do të ndikojë ky zhvillim në Lindjen e Mesme dhe në arenën ndërkombëtare?