Top Story, ka investiguar biznesin e mbetjeve ku fshihen dhjetëra miliona euro interesa. Ky dokumentar do të zbërthejë në dy seri, të gjitha pikëpyetjet për inceneratorët, për menaxhimin e mbetjeve dhe për betejën politike të ditëve të fundit. Përmes mbetjeve, sot prodhohet energji elektrike. Së fundi, kemi dëgjuar shpesh fjalën incinerator. Akuzat e politikës, i kanë dhënë ngjyrime të ndryshme. Në fakt, inceneratori është një impiant për prodhimin e energjisë elektrike përmes djegies së mbeturinave. Përmes kaldajave moderne, sot mbetjet digjen në temperaturë 1 mijë gradë celcius. Procesi, shoqërohet me çlirimin e gazrave të dëmshëm që me teknologjitë e sotme, kontrollohen dhe trajtohen para se të emëtohen në atmosferë. Në botë sot janë të instaluara afro 2500 impiante të tillë që djegin plot 368 milionë tonë mbetje në vit. Mendohet që në vitin 2028, të jenë instaluar mbi 2700 inceneratorë me kapacitet trajtimi rreth 530 milionë ton mbetje brenda 1 viti kalendarik. Sot, vendet me standartet më të larta të jetesës së Danimarka, Suedia, Zvicra, Gjermania e të tjerë po i trajtojnë shumicën e mbetjeve për prodhim energjie elektrike. Ndërkohë në Shqipëri, 3 inceneratorë po ngrihen, mes një debati të fortë politik.