Zgjedhje apo votime?! Pak ditë pasi u rikonfirmua si kryetare në një garë pa rivalë, Monika Kryemadhi bëri dallimin mes 30 Qershorit të cilësuar prej saj si proces monist dhe zgjedhjeve në LSI. “Në zgjedhjet e 21 nëntorit ne patëm pjesëmarrje 80 e ca përqind pati edhe votim online dhe rezultati doli menjëherë , në votimet e 30 qershorit pati një pjesëmarrje as 10 përqind dhe pas një muaji edhe pse filluan ti ndryshonin ti mbushnin kutiat prap nuk arritën ti kalkulonin matematikisht. Unë do kisha dëshirë të kisha një kandidat, por nuk do të doja kurrë që kandidati që do ishte përballë meje të ishte nje kukull që të bënte sikur kandidonte sepse nuk mendoj që ne mund te fitojmë duke i depersponalizuar njerëzit”. Pranon se Ilir Meta nuk e ka uruar, por zbulon entuziazmin e bashkëshortit President per vendosjes e maskës për here te pare ne publik. “Nuk më ka uruar, por besoj se ka qenë shumë kuriozë të dijë për pjesëmarrjen, por vetëm për një gjë ka qenë shumë i lumtur; që unë kam vendosur maskën në procesin e votimit. Për këtë ka qenë një nga arritjet e tij të drejtpërdrejta, por i thashë që më detyroi anëtarja e LRI-së. Kështu që besoj se një pjesë urimi ka qenë edhe kjo pjesa e maskës, pasi ka qenë shumë i kënaqur. Atë foton me maskë ma dërgoi”. Konventa Kombëtare e 5 dhjetorit do të jetë ajo që do të vendosë për mënyrën sesi LSI do të dalë në zgjedhjet e 25 Prillit. “Konventa e 5 dhjetorit do jete konvente zgjedhore qe do te zgjedhe strukturat drejtuese. Konventa do jete e qarte jo vetëm sa i përket, anës programore dhe vizionit te LSI pë zgjedhjet e 25 Prillit por edhe cili do jete angazhimi i drejtpërdrejte i LSI. Për një gje të jeni te bindur fronti opozitar është kompakt për këtë gjë”.