Një trend i cili së fundmi është përhapur gjerësisht janë pikërisht vlogjet, për të cilat ne kemi diskutuar më parë, kryesisht mbi ato të modës, por këtë herë kemi në fokus vlogg-un e parë shkencor. Sot me ne në studio është Suela Hoxha pedagoge fizike (ka përfunduar studimet me mesatare 9) dhe njëkohësisht vlogger-ja e parë shkencore në Shqipëri. Ajo ka qenë pjesë e trajnimeve të ndryshme në fushën e shkencës brenda dhe jashtë vendit. Prej dy vitesh ka vendosur që dijet e saj t’i transmetojë në vlogg-un e parë shkencor për të gjithë atë kategori që interesohet për shkencën, kryesisht fizikën, duke transmetuar video me tematika të caktuara me ushtrime për cikle të ndryshme.