Shantazhimet në rrjetet sociale ditët e sotme janë kthyer në kryefjalë. Kërcënimet më foto intime apo të njerëzve të dashur po detyrojnë shumë adoleshëntë t'u nënshtrohen. I tillë është dhe rasti që paraqiti mbrëmjen e së martës Fiks Fare. Një 17 vjeçar nga Lushnja ka treguar për Fiksin se po shantazhohet në internet nga një djalë me banim në Shkodër , me të cilin është futur në një grup nga një shok i përbashkët në një lojë. Në mesazhet që i riu nga Shkodra i dërgon të miturit i thotë se do publikojë të dhëna se i ati ka përdhunuar motrën e tij të vogël. “ Unë kam frikë për familjen time , mos ma publikojë se me mua të bëjë ç'të dojë, kam mesazhe që ai më tregon se me adresa fallco mund të vjedhim të dhëna dhe të bëjmë para, madje nëse bashkëpunoj me të do më japë gjysmën e parave ” thotë i mituri. Fiksi solli me zë dhe figurë takimin e të miturit me shantazhuesin, ku ky i fundit pranon se publikon dhe mban në arkivë fotot e të miturit. Gjithashtu tregon sesi po bën para, me kërcënime dhe vjedhje të adresave. Nga kjo mënyrë ai ka arritur të sigurojë 8 mijë euro në 4 muaj. Madje ai tregon se shantazhoi të dashurën me publikimin e një fotoje nudo dhe i mori 2 mijë euro.