Vitet e fundit figura fetare kanë marrë vëmendje përmes videove që janë bërë virale ku trajtojnë politika globale, luftëra apo ngjarje aktuale. Ata shpesh përdorin platformat online për të shprehur pikëpamjet e tyre, por edhe takime predikuese në vende të ndryshme të botës, duke u bërë kështu të njohur për audienca të gjera. Sheiku Imran Hosein, i cili u ndalua në Rinas pak ditë më parë i dyshuar për terrorizëm është një prej tyre, i cili interpreton ngjarjet aktuale përmes profecive islame. "Ajo që unë di është se lufta në Ukrainë është e lidhur me Luftën e Madhe. Shpresoj të jem gabim. Por kur lufta në Ukrainë ka arritur në atë fazë ku Ukraina po kolapson, dhe Rusia shihet nga e gjithë bota si fituese e luftës, mendoj se është koha ku ata të provokojnë Luftën e Madhe. Kështu që nuk na kanë ngelur më shumë se 1 apo 2 vite para se të nisë lufta e madhe. Putin ka thënë se nuk na duhet më shumë se një orë e gjysmë të shkatërojmë SHBA-në, Britaninë më pak se 10 minuta. Kjo është luftë bërthamore. Unë nuk e di se sa do të zgjasë lufta e Madhe, por nuk do të zgjasë shumë. Por unë e di që do të jetë një akt terrorizmi.