Ganimete Sava është një personazh frymëzues, e cila pavarësisht vështirësive me të cilat është përballur në jetë, nuk është dorëzuar kurrë. Historia e saj është e dhimbshme. Pas luftës në Kosovë, ( konkretisht në 2001) teksa ndodhej në Prishtinë me shokët dhe shoqet e klasës, u aksidentuan nga një makinë. Si pasojë e aksidentit, u lënduan të gjithë, por ajo humbi këmbën e djathtë nën gju dhe jeton me protezë që atëherë. Pavarësisht se ishte një proces I gjatë shërimi, që zgjati me vite të tëra, ajo nuk u dorëzua kurrë, duke ndjekur dhe realizuar dëshirat dhe pasionet e saj për shkollim, art dhe punë. Aktualisht, Ganimetja ( rreth 40 vjec) është e martuar në Tiranë dhe është nënë e dy djemve Gjithashtu, ajo është aktiviste për të drejtat e personave me aftësi ndryshe. Gazetar: Orest Floku