Sipas një përkufizimi të OBSH në vitin 1997, Telemjekësia është ofrimi i shërbimit mjekësor në distancë, përmes përdorimit të teknologjisë së informacionit dhe komunikimit elektronik. Telemjekësia mundëson shkëmbimin e informacioneve shëndetsore të dobishme për diagnozën, trajtimin dhe parandalimin e sëmundjeve të ndryshme dhe edukimin e pacientit dhe personelit mjekësor. Deri në vitin 2017, një pjesë e mirë e pacientëve, edhe pse mund ta njihnin Telemjekësinë, nuk e përdornin atë si një variant të mundshëm për kryerjen e një vizite apo këshillimi mjekësor.