Emisioni: "Koronavirus- Si ta mposhtim" Me gjithë përpjekjet e tyre për të luftuar përhapjen e koronavirusit, disa nga figurat më të njohura të showbizit, politikës dhe futbollit nëper botë nuk kanë mundur t`i shpëtojnë pandemisë e cila është përhapur tashme në 146 vende të botës. Ministrja e Shëndetësisë në Mbretërinë e Bashkuar ishte politikania e parë britanike që rezultoi pozitive me Covid 19, në 10 mars. Aktori hollivudian Tom Hanks dhe bashkëshortja Rita Wilson, gjithashtu aktore, janë mes të prekurve me koronavirus. Mësohet se të dy 63-vjeçarët u infektuan gjatë një vizite në Australi, ku Tom ishte duke xhiruar një film mbi jetën e Elvis Presleyt, ndërsa bënë të ditur se ndodhen në izolim. Në një postim në rrjetet sociale, Hanks shkruan se ndihen pak të lodhur, kanë duar të ftohta, dhimbje në trup dhe ethe.