Emisioni: "Koronavirus-Si ta mposhtim" Një orientim i qartë u dha edhe nga Fondi Monetar Ndërkombëtar lidhur me ekonomine boterore. FMN sugjeroi se qeveritë duhet të kenë një reagim të koordinuar ndërkombëtar për të zvogëluar ndikimin ekonomik të Pandemisë së koronavirusit, duke u bërë thirrje atyre që të marrin masa buxhetore, monetare dhe financiare me rëndësi. Kryekonomistja e FMN, Gita Gopinath tha se “Është e rëndësishme të mbështetet ekonomia gjatë epidemisë, në mënyrë që të ruhet i paprekur rrjeti i marrëdhënieve ekonomike dhe financiare midis punonjësve dhe kompanive, huazuesve dhe huamarrësve, furnitorëve dhe përdoruesve të fundit, për të mundësuar një rifillim kur epidemia të reduktohet”, theksoi ajo.