Kanceri i lëkurës është lloji më i zakonshëm i kancerit, sidomos në Shtetet e Bashkuara të Amerikës. Vlerësohet se një në pesë amerikanë mund të zhvillojë kancer të lëkurës të paktën një herë në jetë. Karcinoma e qelizave bazale dhe karcinoma e qelizave skuamoze janë dy nga format më të zakonshme të kancerit të lëkurës dhe mund të kurohen në mënyrë efektive nëse diagnostikohen në kohë. Melanoma është më pak e zakonshme, por shumë më e rrezikshme, pasi mund të përhapet në pjesët e tjera të trupit duke formuar metastaza. Sipas Akademisë Amerikane të Dermatologjisë, mesatarisht, një amerikan vdes nga melanoma çdo orë. Fatkeqësisht jeta e shumë personave të famshëm dhe yjeve botërorë është ndërprerë për shkak të Melanomës apo kancerit të lëkurës.