Ne situaten e krijuar nga Pandemia e Covid -19, nga te gjithe sektoret ekonomike, ai qe ka marre goditjen me te rende eshte sektori i turizmit. Industria e turizmit eshte paralizuar totalisht, hotelet akomoduese jane bosh dhe pa prenotime, agjensite e udhetimeve po merren vetem me anullime te prenotimeve nga ana e klienteve te tyre, avionet dhe autobuzet turistike jane ne parkim dhe duket se gjithcka ka ndaluar. Si ne te gjithe boten, situata turistike eshte e rende edhe ne Shqiperi. Sot eshte teper e veshtire te besh parashikime se cdo te ndodhe ne sezonin turistik, kur turizmi do i rikthehet normalitetit. Kalimi ne Fazen e dyte te Pandemise, hapja graduale, krijon shanset qe sektori turistik te rigjallerohet. Ajo qe dihet me siguri eshte qe njerezit do te duan te udhetojne dhe te pushojne menjehere, duke perfituar nga hapja graduale deri ne kthimin ne normalitet, ndoshta fillimisht ne udhetime te shkurtra brenda vendit, duke ju pergjigjur thirrjes se qeveritareve per te shfrytezuar turizmin lokal. Kalimi ne Fazen dy diktohet nga nje kusht shume i rendesishem: njerezit duhet pesojne nje ndergjegjesim radikal. Ata duhet te mesohen te bashkejetojne me kete virus, duke respektuar me rigorozitet masat mbrojtese ndaj koronavirus, qe nga distancimi social, higjiena personale etj. Prandaj strukturat turistike duhet te jene te gatshme te veprojne ne pershtatje me masat e nevojshme per te siguruar shendetin e klienteve te tyre. Qe tani kemi filluar te njihemi me standartet e reja qe po vendosen ne perputhje me situaten. Keshtu, vendet e uljes se pasagjereve neper avione po ridimensionohen, hapesirat e cadrave dhe shezlongeve neper plazhe gjithashtu, restorantet do te kene vendosje te tavolinave dhe karrigeve jo me si perpara. Keto masa, nqs do te perputhen me ndergjegjesimin social do te krijojne premisa qe te kalojme nje sezon turistik pa u infektuar me virusin, perndryshe gjithcka shkon dem dhe rrezikojme rikthimin e shperthimit te rasteve te te infektuarve.