Është hedhur ditën e shtunë në Hamburg shorti për kampionatin Europian që do të zhvillohet në Gjermani duke nisur nga 14 qershori. Shqipëria do të jetë pjesë e Grupit B së bashku me tre kundërshtarë shumë të fortë, Spanjën, Kroacinë dhe Italinë (skuadra kampione në fuqi). Nga mediat ndërkombëtare, grupi ku bën pjesë Shqipëria konsiderohet ndryshe edhe si grupi i ferrit. Kombëtarja kuqezi do ta nisë europianin ditën e dytë, më 15 qershor ku ndeshjen e parë do ta zhvillojë me Italinë në qytetin e Dortmundit. Ndeshjen e dytë Shqipëria do ta zhvillojë më 19 qershor ndaj Kroacisë në Hamburg, për ta mbyllur më pas fazën e grupeve me sfidën ndaj Spanjës në Dyseldorf më 24 qershor. Gazetar: Orest Floku Çdo ditë në një transmetim live do të vinë ngjarje të aktualitet, fenomene histori njerëzore, por edhe ngjarje të bujshme, ku program do të thellohet në to për të sjellë ekskluzive protagonistët e tyre. Lidhje direkte nga e gjithë Shqipëria. Dinamika e jetës shqiptare do të jetë çdo ditë në ekranin e Top Channel. Prezantojnë: Erjona Rusi & Arjon Muça Autore: Eralda Kenaj