"Përfaqësuesit tanë në këshillin bashkiak duhet të vënë në lëvizje mekanizmi ligjor të shkarkimit të krye bashkiakut të zgjedhur, pavarësisht dhe kjo duhet parë nga Parlamenti i ri, se kuadri ligjor lë për të dëshiruar për rastin kur kryetari i bashkisë nuk paraqitet në detyrë, jo se ai nuk do të paraqitet, por se është i penguar nga paraburgosja", tha kryeministri Rama në mbledhjen e Asamblesë së PS. Ashtu si porosia e vetë kryeministrit Rama, këshilltarët e majtë të Bashkisë së Tiranës u mblodhën sot në selinë e Partisë Socialiste për të zbatuar porosinë e kreut të qeverisë. Por duket se kjo betejë do të zgjasë për së kohë vetë Erion Veliaj as nuk i është kërkuar dhe as nuk ka shprehur dëshirën të japë dorëheqjen. Teksa si mbledhja e këshilltarëve socialistë, ashtu edhe hapat ligjorë të avokatëve të Veliajt, i përkasin orëve dhe ditëve të ardhshme, ajo që është vënë re prej të enjtes së kaluar, është fakti se kryebashkiaku ka ndërprerë çdo aktivitet në rrjetet socialiste. A do të shkarkohet kreu në detyrë i bashkisë së Tiranës, apo kjo betejë do të sjellë një tjetër përplasje mes tij dhe socialistëve?