Banorët e këtij pallati në Vlorë, e kanë të vështirë që të lëvizin për shkak se në krah të tij, është ndërtuar ky objekt dy katesh. Kjo zonë ishte parashikuar që të kthehej në një lulishte dhe për këtë ka pasur edhe një leje ndërtimi. Por një leje të dytë është dhënë për një ndërtim tjetër objektin që shihni në pamje. Banorët e pallatit, pasi kanë hasur në vështirësi për të lëvizur dhe për të hyrë në apartamentet e tyre, i janë drejtuar gjykatës administrative vlorë, me katër kërkesa padie, për pezullimin e lejes së ndërtimit.